कमलजङ्ग कुँवर पर्या–साहित्य र राजनीतिक विषयमा कलम चलाउन क्रियाशील छन् । चितवन राष्ट्रिय निकुञ्जमा गैँडाको चोरी सिकार नियन्त्रणको सङ्घर्षको अनुभव एवं गैँडा संरक्षणको सफलताको कथा ‘गैँडालाई चार वर्ष’ उनको पहिलो कृति हो । लोककल्याण–प्रकृति संरक्षणवादको सिद्धान्त ‘महान नेपाली’ दोस्रो र श्रीमद्भगवद्गीता समश्लोकी नेपाली उनको तेस्रो कृति हो ।

यस कृतिमा श्रीमद्भगवद्गीतामा रहेका अनुष्टुप्, इन्द्रवज्रा, उपेन्द्रवज्रा र उपजाति छन्दका ७०० संस्कृत श्लोकको ए. सी. भक्तिवेदान्त स्वामी प्रभुपादद्वारा भाष्य लेखिएको श्रीमद्भगवद्गीता यथारूपको नेपाली अनुवादलाई नेपाली भाषा अनुष्टुप् छन्दमा रचना गरिएको छ ।